載入中...請稍候...
2017年8月17日
先前post過有關炒米茶資訊令到大家感興趣, 亦都有很多提問, 所以係呢個星期專程煲左兩款炒米茶, 分別係南棗桂圓炒米茶, 無花果海玉竹炒米茶, 讓大家容易明白煮的過程。^^
三色米有不同營養價值, 分別有紅米, 糙米, 黑米, 芝麻, 加埋白米一齊炒。米炒至微黃色, 然後攤涼d米再搵密實盒裝住, 到飲用時先拎出黎煲, 炒米連食材大概煲45分鐘。
炒米前~~
炒米後~~
份量分別係, 30g炒米, 1公升水。
陳皮一片, 食材可隨自己喜好添加或減少。
*坐月媽媽每日建議飲最少2公升代茶
南棗桂圓炒米茶
無花果海玉竹炒米茶
(照片食材係拍攝效果, 食材係需要剪碎才會出味架^^要記得啊)
順帶在這裡解答一下客人疑問:
1. 米需要洗嗎?
不用水洗, 洗了反而很難乾, 增加濕氣。
2. 點樣知道幾時炒好?
見到米有點微黃色, 不用金黃色, 否則太熱氣了。
2. 陳皮需要刮郎嗎?
刮與不刮都可以, 沒太大影響。
3. 芝麻需要炒嗎?
生熟芝麻都可以, 因為炒米時會連芝麻一齊炒。
溫馨提示:
食材是係需要剪碎才會易出味, 見到米開花才可以飲用啊!
其實炒米茶唔一定只有孕婦才可以飲用的, 小月手術後、產婦等等都適合飲架^^
